Dulbúin sprautufælnifrétt

Sjö ellihrumir Svíar dóu, sem er í raun sorglegt. Þeir fengu inflúensusprautu, en dóu samt. Það fylgir þó ekki fréttinni hvað margir hefðu dáið, hefði enginn fengið sprautu. Hve margir hefðu dáið hvort eð var?
"Flestir þeirra sem létust höfðu fengið inflúensusprautu", Ja hérna, kannski þá 4 eða 5 af 112, líklega allt bóluefninu að kenna. Það er í raun stórmerkilegt að fylgjast með sprautunálahræðslupúkum finna bólusetningum allt til foráttu.
Bólustetningar forða milljónum frá dauða á hverju ári og hafa gert í áratugi.
Og nánast útrýmt mörgum skæðum og bráðdrepandi sjúkdómum. En nálahræðslupúkarnir gefast ekki upp á að finna einhvern sem dó samt. Þökk sé Louis Pasteur, sem árið 1880 fann upp bóluefnið að við lifum ekki í endalausum ótta við að drepast úr sjúkdómum sem áður voru landlægir og ólæknandi.

Fengu sprautu en létust samt

Athugasemdir

[V.Jóhannsson (IP-tala skráð) 31.3.2012 kl. 09:19]

Svínaflensa er áróður lyfjafyrirtækja sem grætt hafa milljarðir á áróðrinum. Þegar heilsa fólks er sæmileg og nægur matur, þá veikist fólk síður af innfúensum.

Það kom ekkert fram, hvort gamla fólkið hafi verið vannært, sem er því miður mjög algengt á elliheimilum í Svíþjóð í dag og þá hafa sprautur lítið að segja.

[Tómas Waagfjörð, 31.3.2012 kl. 15:16]

Ég hef ekki verið bólusettur eftir því sem ég best veit síðan ég var smábarn og þegar Íslenska þjóðin var bólusett fyrir nokkrum árum þá kaus ég að taka ekki þátt í ruglinu. Ég veiktist ekki en horfði á fólk sem var bólusett veikjast.

Sjáðu, þegar það er byrjað að predika um hættu veikinda áður en þau skella á, og byrjað að selja bóluefni við sjúkdóm sem er ekki til ennþá þá líður mér eins og það sé peningaplott. Enda kom á daginn að mun fleiri bólusettir veiktust en þeir sem ekki voru bólusettir.

En hey, hvað veit ég.

[Páll Jónsson, 31.3.2012 kl. 18:29]

Tómas: Nákvæmlega ekkert?

[anna (IP-tala skráð) 31.3.2012 kl. 22:54]

Lyfjafyrirtækin eru ein stór peningaplokks mafía.

Ég nota í mesta lagi náttúrulækningar og tek daglega Þorskalýsi. Ef ég fæ flensu leggst ég í bælið í nokkra daga og tek D vítamín og lýsið mitt. Ég er með fúkkalyfja-óþol og þoli fáar kemískar lyfjategundir, þannig að ég á fárra kosta völ. Ég er sammála V.Jóhanns og Tómas W.

Það er búið að ofnota fúkkalyf svo hrikalega að þau eru smám saman að tapa tilgangnum. Þau virka t.d. ekki lengur á suma berklasjúklinga né eyrnabólgur. Bakteríurnar styrkjast bara í rólegheitum.... 

En hey, peningavöldin vita betur.